2025-жылдын декабрь айына карата чет өлкөлөрдө 798 миң 400 кыргызстандык жашайт. Бул тууралуу эмгек, социалдык камсыздоо жана миграция министринин орун басары Бакыт Дарманкул уулу брифингде билдирди. Анын айтымында, алардын басымдуу бөлүгү Россияда — болжол менен 341 миң 94 адам, бул жылдын биринчи жарым жылдыгына салыштырмалуу 37 миңге аз. "Ошол эле учурда АКШда 60 миң, Кореяда 12 миң, Германияда 15 миң жана Бириккен Араб Эмираттарында 6 миңден ашуун кыргызстандык бар. Чет өлкөгө чыгуунун негизги максаты болуп билим алуу, эмгек ишмердүүлүгү, туризм, бизнес жана медициналык кызматтарды алуу саналат", - деди ал.
Виртуалдык активдерди колдонуу менен жүргүзүлүүчү банктык операцияларга байланыштуу жаңы, убактылуу өзгөчө тартип киргизилет. Бул ченемдер камтылган мамлекет башчынын жарлыгынын долбоорун Экономика министрлиги даярдап, коомдук талкууга койду. Документтин негиздемесинде айрым банктардын эл аралык деңгээлдеги төлөмдөрү кыйындап, экспорт-импорт операцияларына терс таасирин тийгизип жатканы айтылган. Мындан улам убактылуу, өзгөчө тартип киргизүү менен чет өлкөлүктөр менен виртуалдык активдер аркылуу эсептешүүгө уруксат берүү каралууда. Ал үчүн өкмөт бир банкты аныктайт. Ошол эле учурда ал өлкө жарандары менен виртуалдык активдер аркылуу операция жүргүзбөйт."Өзгөчө тартиптин алкагында банкка жана анын төлөм уюмдарына лицензия албай туруп виртуалдык активдер менен иш алып барууга уруксат берилет. Ошол эле учурда, банк жана төлөм уюмдары акча адалдоого жана террорчулукту каржылоого каршы талаптарды, кардарларды текшерүүнүн күчөтүлгөн чарасын көрүүгө милдеттүү", — деп белгиленген документте.Министрлер кабинетине бир айдын ичинде тиешелүү банкты аныктоо, Улуттук банк менен биргеликте 12 айдын ичинде бул багыттагы мыйзамдык базаны өркүндөтүү боюнча ченемдик-укуктук актылардын долбоорлорун иштеп чыгуу тапшырылды.
Эксперттердин айтканына таянсак, Кыргызстандын соода тармактарындагы товарлардын 40 пайызга чукулу Россиядан келет. Бул туурасында Sputnik Кыргызстан агенттигинин маалымат борборунда өткөн брифингде Россиянын экспорттук борборунун жетекчиси Владимир Некрасов билдирди."Керектөө секторундагы кооперацияны өнүктүрүүнүн алкагында биз Кыргызстан үчүн жаңы форматты ишке киргизип, сатып алуулар боюнча онлайн-сессия өткөрдүк. Бул россиялык өндүрүүчүлөргө Кыргызстандагы эң ири соода түйүнүнө өз продукциясын тааныштырып, азык-түлүк жана башка товарларды жеткирүүнү кеңейтүү маселесин талкуулоого мүмкүнчүлүк берди. Сессиянын жыйынтыгында тараптар кызматташуунун конкреттүү багыттарын белгилеп, жаңы келишимдерди иштеп чыгып жатышат", — деди Некрасов.2025-жылы РЭБ колдогон тышкы соода келишимдеринин көлөмү 607 миллион доллардан ашты. Жыл жыйынтыгында өсүш 35 пайыздан да жогору болушу мүмкүн.
Кыргызстандык окуучулар Алматыда өткөн информатика боюнча Евразиялык XVII олимпиадада эң мыкты жыйынтыкка жетишти. Бул тууралуу Агартуу министрлиги кабарлады.Олимпиаданын жыйынтыгында кыргызстандык окуучу