БИШКЕК, 17-дек. — Sputnik. Кабулда Кыргызстандын соода үйүнүн салтанаттуу ачылышы болду. Бул тууралуу Кыргызстандын экономика жана коммерция министрлиги билдирди.
Иш-чарага Кыргызстандын экономика министри Бакыт Сыдыков жана Афганстандын өнөр жай, соода министри Нуруддин Азизи катышты.
© Фото / пресс-служба Министерства экономики и коммерции КР
Белгиленгендей, Соода үйүнүн ачылышы Афганстанга экспортту көбөйтүүгө жардам берип, эки мамлекеттин ишкерлеринин ортосунда түз ишкердик байланыштарды түзүү үчүн маанилүү аянтча болуп калат.
Тараптар бул кадамдын соода-экономикалык кызматташтыкты чыңдоо үчүн маанилүүлүгүн белгилешти.