БИШКЕК, 13-дек. — Sputnik. Беларусь президенти Александр Лукашенко коргонуу жана аскердик коопсуздукка байланыштуу мыйзамга өзгөртүүлөрдү киргизген мыйзамга кол койду. Бул тууралуу Sputnik Беларусь агенттиги жазды.
Өзгөртүүлөр үч негизги мыйзамга киргизилгени белгиленген.
Төмөнкү эки жагдай өзгөрүүнүн негизги өзөгүн түзөт:
кайсы бир мамлекет же мамлекеттер коалициясы тарабынан Союздук мамлекетке (Россия), ошондой эле ЖККУга мүчө өлкөлөргө каршы жасалган куралдуу агрессия актысы Беларуска жасалган кол салуу деп эсептелет;
Беларустун Куралдуу күчтөрү өз аймагында же союздаш мамлекеттердин аймагында куралдуу жаңжалдардын тутанышына алып келиши мүмкүн болгон кризистик кырдаалдарды жоюуга тартылышы мүмкүн.
Мындан тышкары, мыйзам менен аба чабуулуна каршы коргонуу күчтөрүнүн тынчтык жана согуш маалындагы милдеттери так аныкталды. Айрыкча тынчтык мезгилинде Беларусь менен Россиянын Союздук мамлекетинин алкагында абадан коргонуу тутумун бирдиктүү коргонуу системасы катары өркүндөтүү негизги багыт катары белгиленген. Бул эки өлкөнүн абадан коргонуу каражаттарынын биргелешип иштешин жана асман мейкиндигин чогуу коргоону көздөйт.