БИШКЕК, 9-дек. — Sputnik. Сасык тумоо менен ооругандар көп болуп жатканы кадимки мезгилдик көрүнүш. Бул туурасында Саламаттык сактоо министрлигинин Жугуштуу ооруларды алдын алуу башкармалыгынын жетекчиси Динагүл Оторбаева айтты.
"Сасык тумоо менен ооруган 42,5 миң учур катталды. Тумоологондордун 70 пайызы 14 жашка чейинки балдар. Грипп жана КРВИ — мезгилдик илдет ", — деди адис.
Учурда социалдык тармактан элдин гонконг гриби менен ооруп жатканы тууралуу маалыматтар айтылууда.
"Кыргызстандыктар интернеттен гонконг гриби тууралуу окуп жатышат, бирок андай түшүнүк жок. Бул типтеги грипп 1967-жылы болгон, анан бери жарым кылымга чукулдады. Эми ал эми мезгилдик өңүткө өттү", — деди Оторбаева.
Адис алдын алуу иштерин жалгыз эле министрлик жүргүзбөстөн, негизинен ар тараптуу чаралар зарыл экендигин кошумчалады.