Кыргызстан ЕАЭБ ичинде жүк ташуу көлөмүнүн өсүшү боюнча лидерлик позициясын сактоодо. Мындай маалыматтар Евразиялык экономикалык комиссия тарабынан 2025-жылдын үч кварталынын жыйынтыгында берилди. Маалыматка ылайык, өткөн жылдын ушул эле мезгилине салыштырганда ЕАЭБ боюнча жалпы жүргүнчү ташуу көлөмү 0,6 пайызга көбөйгөн. Ошондой эле бир катар өлкөлөрдүн көрсөткүчтөрү өсүшкө жетишкен: Казакстанда — 8,8 пайызга, Беларусь — 6,5 пайызга, Кыргызстанда — 3,8 пайызга жана Арменияда — 0,1 пайызга көбөйгөн. Отчеттук мезгил ичинде Кыргызстан менен Казакстанда жүк ташуу дагы олуттуу жогорулады: Кыргызстанда — 12,5 пайызга, Казакстанда — 12,1 пайызга. Ал эми жалпы ЕАЭБ боюнча өсүш 0,2 пайызды түздү.
ИИМ атайын жана кызматтык унааларга жарык жана үн сигналдарын орнотууда тартип киргизүүнү сунуштоодо. Документ коомдук талкууга коюлду. Ага ылайык, кызыл–көк сигналды колдоно турган унаалар: ички иштер органдары, улуттук коопсуздук органдарынын мамлекеттик коргоо кызматтары, аскердик автоинспекция. Көк сигналдарды ӨКМ кызматтары, тез жардам, инкассация жана баалуу жүк ташуу, конвой кызматтары жана транспорт инспекциясы. Сары же кызгылт сары сигнал, коммуналдык, жол жана курулуш кызматтары, айыл чарба техникасы, оор жана чоң көлөмдөгү жүк ташуу. ИИМ белгилегендей, маячок орнотуу чечими жол коопсуздугун камсыздоо боюнча ыйгарым укуктуу орган тарабынан кабыл алынат жана документтерге киргизилет. Кызыл–көк жана көк маячок күйгөн учурда кызматтык унааларга жол кыймылынын эрежелеринен айрым учурларда четтөөгө уруксат берилет. Ал эми сары жана кызгылт сары сигналдуу унааларга артыкчылык берилбейт. Үн сигналы зарыл учурда гана күйгүзүлөт жана жарык сигнал менен кошо колдонулат. Айдоочулар ылдамдыгын жол кырдаалына жараша тандашы керек. Маячок мыйзамсыз орнотулса, жаза чаралары каралат.
Түштүк Кореянын Юстиция министрлиги 2025-жылдын 1-декабрынан 2026-жылдын 28-февралына чейин 90 күндүк ыктыярдуу чыгып кетүү программасын ишке киргизди. Бул тууралуу КР ТИМи маалымдады. Маалыматка ылайык, программа алкагында: көрсөтүлгөн мөөнөт ичинде өлкөдөн өз ыктыяры менен чыгып кеткен бардык чет элдиктер, анын ичинде Кыргызстандын жарандары айып пулдан бошотулат; мажбурлап чыгарып жиберүүдө колдонулуучу кайтып кирүүгө тыюу салуу чарасы колдонулбайт; программа 2025-жылдын 1-декабрына чейин жашоо эрежелерин бузгандарга тиешелүү. Бул жеңилдиктер кылмыш жасаган же мажбурлап чыгарылууга жаткырылган чет элдиктерге колдонулбайт. ТИМ Кыргызстандын мыйзамсыз жүргөн жарандарына айып пул жана башка терс кесепеттерден сактануу үчүн ушул мүмкүнчүлүктү пайдаланууну сунуштайт. ЭМИ ВАЛЮТА КУРСУ МЕНЕН ТААНЫШЫП АЛЫНЫЗДАР: Улуттук банктын билдирүүсү боюнча ушул тапта: 1 АКШ доллары 87 сом 45 тыйынга