Бишкекте хоккей боюнча эл аралык "Жеңиш кубогу" турнири башталдыПутин менен Моди алаканы бекемдөөнү жана Украинадагы абалды талкуулаштыМИК 2026-жылы 20 000ге чукул батир берүүнү пландаштырууда. Алдыда кененирээк2026-жылы Кыргызстан боюнча 20 миңге жакын батир берүү пландаштырылууда. Бул тууралуу бүгүн брифингде "Мамлекеттик ипотекалык компания" ААКтын Калк менен иштөө башкармалыгынын башчысы Гүлзат Тотубаева Sputnik Кыргызстандын маалымат борборунда өткөн брифингде билдирди. Анын айтымында, эгер жаран Бишкек шаары боюнча кезекте болжол менен 3000-орунда турса, ал үлүштүк курулуш механизмине катышууга үмүттөнсө болот."Ар бир объект боюнча биз батирлердин жарымын үлүштүк курулуш механизми аркылуу беребиз. Мындай учурда турак жайдын наркынын 50 пайыз өлчөмүндө баштапкы төлөм каралган, ал эми калган сумма 15 жылга жылдык 8 пайыз менен бөлүп төлөөгө берилет. Батирлердин экинчи жарымы кезекте тургандар арасында бөлүштүрүлөт", — деди ал. Белгиленгендей, учурда өлкө боюнча 75 миңден ашык батирлер курулуп жатат. 2026-жылга 20 миңдей батир берүү пландалууда.
Бишкекте Улуу Ата Мекендик согуштагы Жеңиштин 80 жылдыгына арналган "Жеңиш кубогу" аталышындагы эл аралык турнир башталды. Мелдешти Россия элчилигинин колдоосунда "Георгий Победоносец" уюму Zvezda телеканалы менен биргеликте уюштурган. Турнир "Бишкек Аренада" бүгүн башталды, 7-декабрда жыйынтыкталат. Жолдоштук оюндарга Кыргызстан, Казакстан жана Россиянын командалары катышууда. РФ элчилигинин кеңешчиси Иван Прокопенко турнир жаңы муундардын келечегин аныктаган окуяларды унуткарбоого чакырарын белгиледи. "Эл түп көтөрүлгөн: СССР курамындагы республикалар нацизмге каршы күрөшүүгө нар көтөргүс салым кошушту. Ата-бабалардын эрдиги менен биз жашап жатабыз. Алардын баскан жолу дайым жадыбызда, тарыхты бурмалоого жол бербейбиз. Улуу Ата Мекендик согуштун ар бир ардагерине, Жеңиш үчүн жанын берген ар бир жоокерге ийилип таазим этебиз", — деди дипломат. "Георгий Победоносец" коммерциялык эмес уюмунун директору Александр Измайлов хоккей түрдүү өлкөдөн келген командалардын башын бириктирип, бабалардан мурас калган тынчтык менен достуктун баа-баркын эске салып турарын белгиледи.
Россия президенти Владимир Путин менен Индиянын премьер-министри Нарендра Моди Нью-Делидеги сүйлөшүүдө эки өлкөнүн алакасын жана Украинадагы абалды талкуулашты. Бул тууралуу РИА Новости жазды. Путин Москва менен Нью-Делинин аскер-техникалык багыттагы, авиация, космос жана жасалма интеллект тармагындагы кызматташуусуна жогору баасын берди. РФ лидери Моди менен болгон кечээки жолугушуусу пайдалуу болгонун белгилеген. Анда Москва менен Киевдин ортосундагы кырдаалды жөнгө салуу үчүн АКШ менен Россиянын иши тууралуу маалымат айтылды. Муну менен бирге Путин премьерге тынчтык процессинин башталышы үчүн жасаган аракетине ыраазычылык билдирди. Моди өз кезегинде Путиндин сапары тарыхый мүнөзгө ээ экенин белгиледи. "Жаңыдан шайланып келген 2000-жылдан берки ролуңуз алысты көрө билген даанышмандыгыңызды көрсөттү. Индия менен Россиянын алакасынын өнүгүшү башкалар үчүн жакшы үлгү", — деди премьер.Сүйлөшүү делегациялардын катышуусу менен кеңири форматта уланып, анда негизги тармактардагы кызматташуу, эл аралык жана регионалдык маселелер талкууланды.