Быйыл январь–ноябрь айларында Кыргызстанда пенсиялык каржылоо 96 миллиард 100 миллион сомду түздү. Бул көрсөткүч былтыркы жылдын ушул мезгилине караганда 13 миллиард 800 миллион сомго көп.Төлөмдөрдүн жалпы суммасы бир топ көбөйүп, жалпы 82 миллиард 200 миллион сом бөлүндү.Аймактар боюнча эң көп каражат Бишкек шаарына багытталды — 17 миллиард 900 миллион сом. Бул өткөн жылга салыштырмалуу 3 миллиард 700 миллион сомго көп.Андан кийин Ош облусу — 16 миллиард 700 миллион сом, өсүш — 2 миллиард сом; Жалал-Абад облусу — 16 миллиард 500 миллион сом, өсүш — 2 миллиард 400 миллион сом;Чүй облусу — 12 миллиард 700 миллион сом;Ысык-Көл облусу — 8 миллиард 600 миллион сом;Баткен облусу — 8 миллиард 200 миллион сом;Нарын облусу — 7 миллиард 200 миллион сом;Талас облусу — 3 миллиард 900 миллион сом;Ош шаары — 4 миллиард 400 миллион сом.
"Кепилдик фонд" ААК өлкө боюнча ишкерлердин каржылоого болгон жеткиликтүүлүгүн кеңейтип, керектүү каржыны алуу процессин жөнөкөй, ыңгайлуу жана жеткиликтүү кылууда. Фонддон билдиришкендей, айыл чарба жана атайын техника парктарын жаңылоо мүмкүнчүлүгүн кеңейтүүгө багытталган эки жаңы кепилдик продукциясы — "Ижара" жана "Ижара плюс" сунушталды. Бүгүнкү күндө лизинг өндүрүштү модернизациялоонун натыйжалуу жана жеткиликтүү механизмдеринин бири болуп саналат. Бирок көпчүлүк ишкерлер үчүн алдын ала төлөмдүн зарылдыгы олуттуу тоскоолдук жаратып келет. Жаңы продукциялар ушул маселени жеңилдетүүгө багытталган: "Ижара" — лизинг предметинин баасынын 20 пайызга чейин кепилдик менен жабат; "Ижара плюс" — лизинг боюнча алдын ала төлөмдүн 30 пайызга чейин жаап берет. Бул инструменттердин аркасында ишкерлерде өз каражаттарынын жетишсиздиги болсо да, заманбап техника жана жабдууларды лизинг аркылуу алуу мүмкүнчүлүгү кеңейет.
Оштогу "Достук" чек ара бекетине 45 метрлик флагшток орнотулууда. Бул тууралуу шаардык мэриядан билдирди. Маалыматка ылайык, долбоор Ош шаарынын мэри Жеңишбек Токторбаевдин демилгеси менен ишке ашып жатат. Буга удаа бекеттин айланасын көрктөндүрүү, таман таш төшөө жана отургучтарды жайгаштыруу иштери да жүрүп жатат.Ош шаарынын башчысы «Достук» өткөрмө бекетине кире бериш аймакты кыдырып, башаламан курулган соода түйүндөрүн оңдоо тапшырмасын берген. Июнь айында аталган аймакты иретке келтирүү иштери башталган.
Жазуучу Чыңгыз Айтматовдун өмүрү жана чыгармачылык жолу тууралуу биринчи толук метраждуу көркөм фильм тартылып баштады.Фильмди жаш режиссер жана оператор-коюучу Каныбек Калматов жаратууда. Ал Айтматовдун биографиясын экранга чыгарууга эксклюзивдүү укукка ээ болду. Бул макулдашуу жазуучунун уулу Эльдар Айтматов менен түзүлгөн.Каныбек Калматов Айтматовдун биографиясын экрандаштырууга эксклюзивдүү укукка ээ болгон. Макулдашуу жазуучунун уулу — Эльдар Айтматов менен түзүлгөн. Маалыматка ылайык, фильмдин алгачкы тизери тартылып бүттү. Ал эми Чыңгыз Айтматовдун образын ким аткарары жашыруун бойдон калууда.Фильм ж