БИШКЕК, 3-дек. — Sputnik. Президенттин Ош облусундагы ыйгарым укуктуу өкүлү болуп Аманкан Кенжебаев дайындалганын өлкө башчынын маалымат кызматы билдирди.
Аманкан Кенжебаев
© Фото / пресс-служба Жогорку Кенеша
Аталган кызматты ээлеп келген Элчибек Жантаев Мамлекеттик кызмат жана жергиликтүү өз алдынча башкаруу иштери боюнча мамлекеттик агенттиктин директору болгон.
Аманкан Кенжебаев 58 жашта, Чүй облусунун Дөң-Алыш айылынан. VII чакырылыштын депутаты, Агрардык саясат, суу ресурстары, экология жана аймактык өнүгүү комитетин жетектеген.
Парламенттик шайлоодо 19-округдан талапкерлигин коюп, өтпөй калган.