БИШКЕК, 2-дек. — Sputnik. Евробиримдик дайыма бирөөгө акыл үйрөткөнү менен, өзүнүн көйгөйлөрүнө көз жумуп келет. Бул тууралуу Россиянын Тышкы иштер министрлигинин расмий өкүлү Мария Захарова РИА Новостиге евродипломатиянын мурдагы башчысы Федерик Могерининин кармалышы боюнча комментарий берип жатып билдирди.
Буга чейин AFP басылмасы Могерини алдамчылык ишинин алкагында кармалганын кабарлаган.
“Евробиримдикте күн сайын миллиондор коррупциялык жолдор аркылуу Киевге жөнөтүлүп турат. Андан ары жеке чөнтөктөргө бөлүнүүдө. Бул жылдар бою жасалып келе жаткан иш. Кандай гана эл аралык көйгөй болбосун, Брюсселге пайда көрүү үчүн мүмкүнчүлүк болуп саналат, COVID-19 пандемиясынан тарта Украинага чейин”, — деди Захарова.