БИШКЕК, 30-ноя. — Sputnik. Саат 12:00гө карата шайлоочулардын 518 473 адам добуш берди. Бул тууралуу БШКнын маалыматында айтылды.
Көрсөткүч жалпы шайлоочулардын 12,07 пайызын түзөт. Салыштыруу үчүн айтсак, 2021-жылдагы парламенттик шайлоодо саат 12:00гө карата 329 965 миң адам добуш берип, жалпы шайлоочулардын 9,12 пайызын түзгөн.
Шайлоого добуш берүүгө укуктуу кыргызстандыктардын саны 4,3 миллиондун чегинде. БШК жарандарды өнөктүккө активдүү катышууга чакырууда.