БИШКЕК, 27-ноя. — Sputnik. 30-ноябрда өтө турган Жогорку Кеңеш шайлоосуна КМШнын Парламенттер аралык ассамблеясынан 70тен ашуун эл аралык байкоочу көз саларын ПАА катчылыгы билдирди.
Байкоочулар тобун Тажикстан парламентинин комитет төрагасы Махмадали Ватанзода баштап келет.
"Шайлоо күнү байкоочулардын тобу Кыргызстандын өзүндө да, республиканын тышында да добуш берүү процессине мониторинг жүргүзөт", — деп айтылат маалыматта.
Эскерте кетсек, бул ирет биринчи жолу чет мамлекеттердеги шайлоо участкаларынын саны 100гө жетти.