БИШКЕК, 24-ноя. — Sputnik. Нарын шаарына 11 автобус жана 12 атайын техника тапшырылды. Бул тууралуу калаа мэриясы билдирди.
Маалыматка караганда, техника сатып алуу үчүн президенттин Турукташтыруу фондунан 230 миллион сом бөлүнгөн.
"30 орундуу заманбап үлгүдөгү автобустар жакынкы күндөрү каттамга чыгат. Учурда бажылык тариздөө иштери аткарылууда", — деди мэрия.
Техниканы тапшыруу салтанатына министрлер кабинетинин төрагасы Адылбек Касымалиев катышты.