БИШКЕК, 22-ноя. — Sputnik. Бишкек мэриясы кечээ, 21-ноябрда, борбор калаа үчүн Кытайдан сатып алынган автобустардын биринчи партиясы келгенин билдирди.
Алар үч эшиктүү, узундугу 12 метр. Евразия өнүктүрүү банкынын долбоорунун алкагында жалпысынан Кытайдын Yutong маркасындагы 95 автобус сатып алуу каралган. Мэрия транспорттун калгандары жолдо келе жатканын кошумчалады.