БИШКЕК, 21-ноя. — Sputnik. Эртең, 22-ноябрдан тарта, Бишкекте U-17 жаштар футболунун 2026-жылкы Азия кубогуна тандап алуу оюндары башталат. Бул тууралуу Кыргыз футбол биримдигинен билдиришти.
Маалыматка караганда, беттештер Дөлөн Өмүрзаков атындагы стадиондо жана "Достук аренада" өтөт.
"Биздин улуттук курама B тайпасында беш курама команда менен күч сынашат. Аларды австриялык адис Александр Бауэр машыктырууда. Тандап алуу оюндарына жалпы 38 курама катышып, алар 7 тайпага бөлүнгөн", — деп айтылат маалыматта.
Улуттук курама катышкан оюндардын жүгүртмөсү (кирүү акысыз):
Кыргызстан – Йемен (22-ноябрь, саат 15:00);
Кыргызстан – Пакистан (24-ноябрь, саат 19:00);
Гуам – Кыргызстан (26-ноябрь, саат 19:00);
Лаос – Кыргызстан (28-ноябрь, саат 19:00)
Кыргызстан – Камбоджа (30-ноябрь, саат 15:00).
Белгилей кетсек, 2026-жылкы U-17 Азия кубогунун финалы май айында Сауд Арабиясында өтөт. Тандоо оюндарынын жыйынтыгында жети курама жолдомо алат. Быйыл дүйнө чемпионатында ойногон Азиянын тогуз курамасы автоматтык түрдө катышары белгиленген.