Учурда өлкө аймагында көмүр саткан 720 кампа иштеп жататӨзбекстандык машыктыруучу кыргыз клубун жетектейтЖапаров энергетика үчүн соңку аракеттер болбогондо өлкө жарыксыз отуруп калмактыгын айттыАлдыда кененирээкЭнергетика тармагында соңку жылдары аткарылган иштер болбогондо өлкө XIX кылымдагыдай жарыксыз отурмак. Бул тууралуу өлкө башчы Садыр Жапаров билдирди. Ал Бишкектин четиндеги Алтай шаарчасынын курулушуна старт берген иш-чарадан кийин жергиликтүү эл менен жолуккан. Президент "свет өчүп жатат" деп кыйкырган жергиликтүү тургунга жооп берген. Жапаровдун сөзүнө караганда, ал бийликке келген учурда тармактагы абал абдан оор болчу. Ал азыркы бийлик бир эле Токтогул ГЭСинин төрт агрегатын алмаштыруудан 240 МВт кошумча энергия алууга жетишкенин, 28 чакан ГЭС курулуп ишке берилгенин белгилеген. "Совет мезгилинде курулган ГЭСтер жаңыланбай калган. Мен келгенде бардыгы кыйрап кала турган абалда болчу. Азыр баарын жаңылап бүттүк. Мурдагы президенттерди жамандагандай болбоюн, бирок аларга окшоп отура берсем азыр жарык эч кимге жетпейт болчу", — деген ал.
Өлкөнүн экономика тармактарын жана калкын 2025-2026-жылдардын күз-кыш мезгилдерине даярдоо үчүн 3 млн 174 тонна көмүр камдалышы керек. Бул тууралуу министрлер кабинетинин төрагасынын орун басары - суу ресурстары, айыл чарба жана кайра иштетүү өнөр жайы министри Бакыт Төрөбаев билдирди. Анын айтымында бюджеттик мекемелерге 309 миң 415 тонна керектелсе, бүгүнкү күндө анын 203 миң 54 миң тоннасы, калкка 1 млн 465 миң тонна керектелсе, бүгүнкү күндө анын 994 миң 69 тоннасы камсыздалды. “Өлкөнүн бардык аймактарында ачылган көмүр сатуучу социалдык базаларга жана социалдык мекемелерге Кара-Кече кенинен биринчилерден болуп көмүр жеткирүү ишине артыкчылык берилген. Учурда өлкөнүн аймагында көмүр саткан 720 база кызматта жана “Кыргызкөмүр” ишканасы тарабынан уюштурулган 144 социалдык база да ачылган.
Бишкекте 22-23-ноябрда азык-түлүк жарманкеси өтөт. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти. Маалыматка ылайык, жарманкенин максаты баалардын өсүү темпин токтотуу, калктын социалдык аярлуу катмарына тамак-аш азыктарын жеткиликтүү кылуу, ата-мекендик өндүрүүчүлөрдү колдоо жана ички рынокту туруктуу камсыздоо болуп саналат. Жарманке Т. Усубалиев атындагы аянтта, ошондой эле И. Раззаков жана Абдымомунов көчөлөрүнүн кесилишинде, Эркиндик бульварында уюштурулат. Белгиленгендей, аталган жарманке 2026-жылдын июнь айына чейин ар ишемби жана жекшемби күндөрү өткөрүлүп турат. Анда социалдык маанилүү азык-түлүк продукцияларын сунуштаган жергиликтүү өндүрүүчүлөрдүн, дыйкандардын жана кол өнөрчүлөрдүн жарманкеси өткөрүлөт.Катышуучуларга талаптар: продукция сапаттуу жана таза болушу керек; баалар базардан төмөн болушу зарыл; райондук агрардык башкармалыктан тастыктоочу кат болушу керек.
Өзбекстандык адис Дмитрий Ан Кыргызстандагы "Нефтичи" футбол клубунун башкы машыктыруучусу болуп дайындалды. Бул тууралуу Championat.asia порталы маалымдады. Маалыматка караганда, 51 жаштагы Дмитрий Ан буга чейин Ташкенттин "Пахтакор" клубунда көп жыл иштеп, өткөн сезондо "Навбахор" академиясында машыктыруучу болгон. Белгилүү болгондой, "Нефтичи" учурда Кыргызстандын чемпионатында 9-орунда турат. Команданын жалпы курамынын баасы 1,5 млн еврону түзөт.