БИШКЕК, 16-ноя. — Sputnik. Адылбек Касымалиев иш сапары менен Россияга барат. Бул тууралуу министрлер кабинетинен билдиришти.
Маалыматка ылайык, ал 17-18-ноябрда Шанхай кызматташтык уюмуна мүчө мамлекеттердин өкмөт башчыларынын кеңешинин 24-жыйынына катышат.
Жыйында соода-экономикалык кызматташуу, каржылык өз ара аракеттенүү жана Кыргыз Республикасынын төрагалыгы алдында ШКУну мындан ары өнүктүрүү маселелери талкууланат.
Жыйындын соңунда бир катар документтерге кол коюлары күтүлүүдө.