БИШКЕК, 26-окт. — Sputnik. Бишкек шаарынын иштелип чыккан 2050-жылга чейинки башкы планы боюнча коомдук угуулар 24-25-декабрда болот. Бул тууралуу калаа мэриясы билдирди.
Муниципалитеттин расмий сайтында берилген маалыматта коомдук угуулардын так сааты чогулушка бир жума калганда айтылары жазылган.
Шаардын башкы планы боюнча коомдук угуулар төмөнкү даректер боюнча өтөт:
Чүй проспекти, 168А (Ленин менен Биринчи май райондору);
Октябрь районунун муниципалдык администрациясынын жыйындар залында;
Үсөнбаев көчөсү, 200/1 (Свердлов району).
Бишкектин башкы планы менен бул жерден таанышсаңыз болот. Документтин аймактар боюнча бөлүнүшү тууралуу бөлүгүн компьютерден караганыңыз оң.