БИШКЕК, 22-окт. — Sputnik. Өзбекстандагы "Каттакурган" полигонунда өткөн аймактык "Бирлик – 2025" машыгуулары соңуна чыкты. Бул тууралуу КР Коргоо министрлиги билдирди.
Аскердик иш-чарага Кыргызстан, Казакстан, Тажикстан, Өзбекстан жана Азербайжан мамлекеттеринин жоокерлери катышты.
Коргоо министри, генерал-майор Руслан Мукамбетов башында турган Кыргызстандын делегациясы машыгуунун активдүү фазасына көз салып, жабылыш аземинде болду.
"Машыгуу боордош мамлекеттердин кызматташтыгын чыңдап, улуттук жана аймактык коопсуздукту камсыздоодогу көз караштарды бириктирди. Ошондой эле аскер кызматкерлеринин кесиптик даярдыгынын жогорку деңгээлин тастыктады", — деген Мукамбетов.
Машыгуунун соңунда өзгөчөлөнгөн аскер кызматкерлери сыйланды.