Бул маекте биз сезондук грипп оорулары жана анын алдын алуу чаралары тууралуу сөз кылдык. Врач-эпидемиолог Венера Алымкулова калк арасында грипптин жайылышынын себептери, анын белгилери жана оорунун жүрүшү тууралуу кеңири маалымат берди.
Ошондой эле дарыгер жарандарды өз убагында эмдөө алууга, жеке гигиена эрежелерин сактоого жана иммунитетти чыңдоого чакырды. Маекте грипп менен сасык тумоонун айырмасы, коргонуу жолдору жана ар бир адамдын жоопкерчилиги тууралуу да баарлаштык. Алымкулова белгилегендей, сезондук грипп көбүнчө күз жана кыш айларында күчөйт, ошондуктан бул мезгилде өз ден соолугуна көңүл буруу өзгөчө маанилүү. Ал ошондой эле өз алдынча дары колдонбоого, оорунун алгачкы белгилери байкалганда дарыгерге кайрылууга чакырды.
Маектин жүрүшүндө жугуштуу оорулардын алдын алуу боюнча мамлекеттик кызматтардын иш-аракеттери жана коомчулуктун маалымдуулугун жогорулатуу маселелери да талкууланды.