Кел-Суу көлүнүн аймагына туристтик лагерь куруу пландалуудаИзраиль жана Палестина туткундар менен алмаштыЖК депутаттыгына талапкерлердин саны 200гө чукулдады. Алдыда кененирээкЖогорку Кеңештин депутаттарын мөөнөтүнөн мурда шайлоого катышуу ниетин билдиргендерден арыздарды кабыл алуу уланууда. Шайлоо жана референдум ѳткѳрүү боюнча борбордук комиссиясынан маалымдашкандай, 12-октябрга карата 198 жаран талапкерлигин көрсөттү. Эске салсак, арыздарды кабыл алуу 30-октябрда аяктайт. Белгилей кетсек, 30-ноябрда өлкөдө Жогорку Кеңештин депутаттарын мөөнөтүнөн мурда шайлоо өтөт.
Ветеринария, мал чарбасын өнүктүрүү, жайыт жана тоют кызматынын алдындагы “Кыргызмамасылтукум” мамлекеттик ишканасы быйыл жүгөрүнүн экинчи түшүмүнөн да жогорку көрсөткүчкө жетишти. Суу ресурстары, айыл чарба жана кайра иштетүү өнөр жайы министрлигинен билдиришкендей, ишкананын Сокулук райондук филиалы 20-июлда буудай түшүмүн жыйнап бүткөндөн кийин, биринчи жолу экинчи түшүм катары жүгөрү уругун сепкен. Учурда талаадагы жүгөрү бышып, чабууга даяр. Ал эми Ош облустук “Катта-Талдык” филиалы силос үчүн өстүрүлгөн жүгөрүнүн экинчи чабыгынан мол түшүм алып, кыш мезгилине 110 тонна сапаттуу силос камдап бүттү. Ал тоют ишкананын мал-жандыгына азык катары пайдаланылат. Министрликтен белгилешкендей, бул аракеттер мал чарбасынын тоют базасын чыңдоого, жерди рационалдуу пайдаланууга жана экинчи түшүм алуу практикасын кеңейтүүгө багытталган.
Жогорку Кеңештин аппарат башчысынын мурдагы орун басары 200 миң долларды опузалап алууга шектелип кармалды. Бул тууралуу атайын кызматтан билдиришти. Маалыматка караганда, шектүү УКМК төрагасы Камчыбек Ташиевдин атын жамынып, аны менен тыгыз байланышы бар экенин айтып ири суммадагы акча каражатын алган. "Жогорку Кеңештин аппарат башчысынын мурдагы орун басары жана дагы бир кызматкери бизнес өкүлдөрүнүн биринин ишенимине кирип, УКМК карап жаткан кылмыш ишин токтотуу үчүн 200 миң доллар алышкан", — деп айтылат маалыматта. Шектүүлөр 10-октябрь күнү кармалып, УКМКнын тергөө абагына киргизилген.
Нарын облусундагы Кел-Суу көлүнүн жээгине туристтик лагерь куруу пландалып, Ат-Башы райондук башкармалыгынын архитекторлору аталган жайдын эскиздик долбоорун иштеп чыкты. Бул тууралуу Курулуш, архитектура жана турак жай-коммуналдык чарба министрлиги билдирди.Ага ылайык, лагердин аймагында этношаарча, заманбап мейманкана, оюн жана эс алуу аянтчалары түшөт. Ошондой эле ат минүүчү, автоунаа токтотуучу жайлар жана башка зарыл объектилер пайда болмокчу. "Бул долбоордун негизги максаты — туристтик лагерди иретке келтирүү жана заманбап шарттар менен эс алуучуларга кызмат көрсөтүү", — дешти министрликтен.
Израиль Газа секторунда кармалып турган туткундардын биринчи партиясы өткөнүн тастыктады. Бул тууралуу Kan мамлекеттик телерадиокомпаниясына таянуу менен РИА Новости кабарлады. "Кызыл чырым уюму жети туткунду өткөрүп берди. Саламаттык сактоо министрлигинен алардын абалы канааттандырарлык экенин айтышты", — деп айтылат маалыматта. Барымтадагыларды бошотуунун экинчи этабы Бишкек убактысы боюнча саат 13.00дө өтөт. Ал арада Reuters агенттиги Израиль бошотуп бере турган 1 966 палестиналык туткун автобустарга отурганын билдирди.