2026-жылдын апрель айынан тарта мугалимдердин айлыгы жогорулайт. Бул тууралуу министрлер кабинетинин төрагасы Адылбек Касымалиев бүгүн Мугалимдер күнүнө арналган салтанаттуу иш-чарада билдирди. Анын айтымында, мугалимдердин талыкпас эмгеги мамлекет тарабынан тийиштүү баасын алышы керек. “Жаңы мектептерди куруу, жаңы окуу китептерин камсыз кылуу жана мугалимдер үчүн ыңгайлуу шарттарды түзүү менен бирге, алардын айлык маянасын да жогорулатабыз. Бул багытта тиешелүү каражаттар бөлүнүп жатат. Буйруса 2026-жылдын 1-апрелинен тарта мугалимдердин айлыгы көтөрүлөт",— деди Касымалиев.
Кыргызстан менен Пакистандын ортосунда кинематография жаатында өз ара түшүнүшүү тууралуу меморандумга кол коюлду. Бул тууралуу маданият министрлиги билдирди. Маалыматка ылайык, кол коюу аземи Бишкек шаарында өткөн. Документке Кыргыз Республикасынын Маданият, маалымат жана жаштар саясаты министрлигине караштуу Кинематография департаментинин директору Улан Адамалиев жана Лахор шаарындагы «Кыргызстан Соода Үйүнүн» президенти Шахид Хасан кол койду. Бул келишим маданий алаканы өнүктүрүүгө, достукту бекемдөөгө жана эки өлкөнүн чыгармачыл байланышын кеңейтүүгө багытталган. Меморандумдун алкагында биргелешкен кинофестивалдар өткөрүлөт. Ошондой эле кыргыз тасмаларын Пакистандын аймагында көрсөтүү каралган.
Жалал-Абад облусунун Сузак районунда “Фермерлерди тейлөө борбору” ачылды. Бул тууралуу айыл чарба министрлиги билдирди. Маалыматка ылайык, ачылыш аземине айыл чарба министри Бакыт Төрөбаев баш болгон атка минерлер катышкан. Билдирмеге караганда “Фермерлерди тейлөө борбору” жайгашкан имарат 43 жылдан бери биринчи жолу толук капиталдык ремонттон өткөрүлүп, заманбап шарттарга жооп берген абалга келтирилди. Ал жерде Министрликке караштуу аймактык мекемелер жана “Фермерлерди тейлөө борбору” жайгашып, Сузак элине ар тараптуу колдоо жана консультациялык кызматтарды көрсөтөт. “Бул борбор, дыйкан-фермерлерге, айыл чарба өндүрүшүнө заманбап, инновациялык технологияларды колдонуу боюнча практикалык жардам берүүгө багытталган. Бүгүнкү күндө, ушундай форматтагы борборлор өлкөбүздүн 16 районунда ийгиликтүү иштеп, айыл чарба тармагынын туруктуу өнүгүүсүнө өбөлгө түзүүдө”, - деп айтылат маалыматта.
АКШда шатдаунга байланыштуу өзөктүк арсеналды көзөмөлдөөгө каражат түгөнүп баратат. Бул тууралуу энергетика министри Крис Райт билдиргенин РИА Новости жазды. Аткаминердин айтымында, ушул убакыт бүткөндөн кийин аларга ишти убактылуу токтотууга туура келет. "Өзөктүк запастарды, суу алдындагы кемелер менен учак ташыган кемелерди көзөмөлдөгөн Улуттук өзөктүк коопсуздук башкармалыгында сегиз күнгө жеткидей гана каражат калды", — деди АКШнын энергетика министри Крис Райт. Ал кырдаалга "акылга сыйбай тургандай болду" деген баасын берди. АКШда финансылык жыл 1-октябрдан башталат. Ага чейин Конгресс толук же кыска мөөнөттүү бюджетин кабыл алышы керек. Эгер ал мүмкүн болбой калса, өкмөттүн иши