БИШКЕК, 28-сен. — Sputnik. Казакстанда өткөн жарым марафондо кыргызстандык жөө күлүк Нурсултан Кеңешбеков биринчи келип, жаңы рекорд койду.
Спортчу 21,1 чакырымды 1 саат 2 мүнөт 44 секундада чуркап өтүп, Кыргызстандын быйылкы рекордун жаңылаган.
Мурдагы рекорд дагы Кеңешбековго таандык, анда убактысы 1 саат 2 мүнөт 48 секунд болгон. Аны Түркстандагы жарышта койгон.
Эске салсак, кыргызстандык спортчу үчүн жемиштүү болгон бул жарыш Казакстандын Алматы шаарында өттү.