БИШКЕК, 28-сен. — Sputnik. Министрлер кабинетинин төрагасы Адылбек Касымалиев расмий сапар менен Беларуска барганын өкмөттөн маалымдашты.
Касымалиевди "Минск" улуттук аэропортунда өлкөнүн премьер-министринин орун басары Анатолий Сивак тосуп алды. Аба майданга эки мамлекеттин туулары илинип, Ардак кароол тизилген.
Расмий сапардын алкагында Касымалиев президент Александр Лукашенко, премьер-министр Александр Турчин менен жолугат. 29-30-сентябрда Касымалиев КМШ өлкөлөрүнүн өкмөт башчыларынын жана Евразия өкмөттөр аралык кеңешинин жыйындарына катышып, "Иннопром. Беларусь" эл аралык өнөр жай көргөзмөсүндөгү пленардык жыйында сүйлөйт.