"Туяк" программасынын бул чыгарылышы кыргыз адабияты менен басма тармагына чоң эмгек сиңирген прозаик, редактор Мелис Абакировдун жаркын элесине арналды. Маекте анын чыгармачылык жолу, адабияттагы орду жана инсандык сапаттары тууралуу айтылды.
Мелис Абакиров — советтик доордон тартып эгемендүү Кыргызстанга чейинки мезгилде калемин да, акылын да эл үчүн арнаган, терең ойлуу, билимдүү инсан болчу. Анын прозасы улуттук мүнөздү, адам табиятынын татаалдыгын чагылдырган чыгармалар менен өзгөчөлөнгөн. Басма тармагында да далай жыл жетекчилик кылып, көптөгөн авторлордун китептеринин жарык көрүшүнө себепчи болгон.
Эскерүү учурунда шакирти, жазуучу Жумабек Медералиев Мелис агайдын талыкпаган эмгегин, жөнөкөй, бирок абдан таасирдүү инсандык мүнөзүн айтып өттү.