Президенттин 2023-жылдын 29-декабрындагы "Ак илбирсти Кыргызстандын улуттук символу катары таануу боюнча" жарлыгын ишке ашыруунун алкагында министрлер кабинети токтом долбоорун даярдады. Документ коомдук талкууга илинди. Ага ылайык, илбирстин элеси түшүрүлгөн эн белги өлкөнүн туристтик жана маданий бренди катары атайын макамга ээ болот. Өкмөт аны колдонуунун эреже, талаптарын иштеп чыкты."Улуттук символду мамлекеттик майрамдарда көркөм жасалганын элементи катары колдонсо болот. Андан тышкары, акча бирдиктеринде, мамлекет башчынын учагында, архитектуралык жаңы курулуштарда пайдаланылат. Ал эми жеке компанияларга ата мекендик продукцияларды эл аралык рынокто идентификациялоо үчүн жана туристтик жарнамада, интернет-сайттарда колдонууга уруксат берилет", — деп белгиленген документте. Логотип кандай өлчөмдө болбосун, белгиленген түстө же ак-кара үлгүдө гана колдонулушу зарыл. Логотипти бурмалагандар мыйзамга ылайык жоопко тартылары айтылды.
Бишкекте "Евразия" социалдык дүкөнүнүн экинчиси ачылып, Асанбай кичи району, 8/3 дарегинде жайгашты. Анын текчелерине азык-түлүк жана күнүмдүк муктаждыктагы товарлар коюлуп, өндүрүүчүлөр койгон баа менен сатылат."Долбоор мындан ары да уланып, өлкө боюнча ушундай дүкөндөр ачылат. Шаар тургундарына жаңы азыктар өндүрүүчүлөрдүн баасы менен сатылат", — деди Урумкулова.Дүкөндөн соода кылуу үчүн жарандын аты-жөнү жазылган социалдык карта керек. Аны алуу үчүн анкетаны толтуруп, негизги маалыматтарды көрсөтөсүз. Долбоор "Евразия" автономдук коммерциялык эмес уюму менен Кыргызстандын ортосундагы кызматташуу жөнүндөгү меморандумдун алкагында ишке ашырылууда.
Бүгүн, 5-сентябрга караган түнү, Чолпон-Атада 34 жаштагы келин төрөттөн каза болду. Бул тууралуу Ысык-Көл облустук милициясы кабарлады. Маалыматта карагаша Ысык-Көл райондук ооруканасынын төрөт үйүндө каза болгону айтылды.Тартип сакчылар маркумдун 37 жаштагы жолдошу милицияга арыз менен кайрылганын, азыр сотко чейинки териштирүү иштери жүрүп жатканын кошумчалады. Ал эми Саламаттык сактоо министрлиги иликтөө жүргүзүү үчүн комиссия түзүлгөнүн билдирди. ЖМКлардын айтымында, келин кесарево жолу менен уул төрөгөн, ымыркайдын абалы жакшы. Буга чейин социалдык тармакта келиндин жакындары өлкө башчы Садыр Жапаров менен УКМК төрагасы Камчыбек Ташиевге кайрылган видеосу тараган.
Киевдеги Эгемендик аянтында аскер кызматкерлеринин буйрукту аткарбагандыгы жана аскер бөлүктөн өз алдынча кетип калгандыгы үчүн жоопкерчиликти күчөтүү боюнча чечимге каршы митинг башталды. Бул тууралуу Укрианынан "Страна.ua" басылмасы жазганын РИА Новости таратты. "Акциянын катышуучулары аскер кызматкерлеринин укуктарын коргоо инструменти катары аскердик акыйкатчы жөнүндөгү мыйзамды кабыл алууну талап кылып, бийликти армиядагы талаптарды катаалдаштыруу тажрыйбаларынан баш тартууга чакырууда", — деп жазылат материалда. Акциянын уюштуруучуларынын билдирүүсү боюнча, жаңы мыйзам долбоору аскерлер өз алдынча бөлүктү таштап кеткенден кийин аны жаңы бөлүктөргө которуунун натыйжалуу ыкмаларын жокко чыгарып, аларды кайра мурдагы шартка кайтууга мажбур кылат.