Жеңиш үчүн деп... Ала-Тоодон фронтко тынбай каттаган жардам поезддери

Тылда фронтко кеткен жоокерлердин ордуна иштеп жаткан кыз-келиндер, кары-картаңдар жана өспүрүмдөр менен кан майданга даярданып жаткан аскерлердин сейрек сүрөттөрү Борбордук кинофотофоноархивден табылды. Алыкул Осмонов атындагы улуттук китепкананын архивинде кыргызстандыктар аскердик техника курууга акчалай көмөк көрсөткөнү жана фашисттик баскынчылардан бошотулган аймактарга да жардам бергени тууралуу маалыматтар сакталып калган.

1 / 9

Пржевальск районундагы (азыркы Ак-Суу) "Калмак" колхозунун мүчөсү, алты баланын энеси Эннигүл Кантагаева 28 панфиловчу атындагы аскердик учактардын эскадрильясын курууга 30 миң рубль бергени тууралуу кыскача маалымат. "Советская Киргизия" гезити, 1942-жыл.

2 / 9

Тракторист күздүк буудайды малалап жатат. Ош облусу, Сузак району, 1941-жыл.

3 / 9

Жаш келин фабрикада жип ийрүүдө. Фрунзе, 1942-жыл.

4 / 9

Атчандар клубунун аскери тактикалык машыгууда. Ысык-Көл облусу, 1942-жыл.

5 / 9

Атчандар клубунун жоокерлери чабуул жасаганды үйрөнүп жатышат. Ысык-Көл облусу, 1942-жыл.

6 / 9

Атчандар клубунун аскерлери жортуул учурунда бири-бирине көмөк көрсөтүүдө. Ысык-Көл облусу, 1942-жыл.

7 / 9

Жоокерлер буктурмадан мылтык атууга машыгып жатышат. Ысык-Көл облусу, 1942-жыл.

8 / 9

Комсомол Койчуманова механизация мектебинде тетик менен иштөөнү өздөштөрүүдө. Токмок, 1943-жыл.

9 / 9

Ворошилов атындагы (азыркы Лебединовка) гидроэлектростанциянын курулушчулары фашисттик баскынчылардан бошотулган шаарлардын тургундарына жардам бергени тууралуу макала. "Кызыл Кыргызстан" гезити, 1943-жыл