БИШКЕК, 23-авг. — Sputnik. Жеке ишкер Ош шаардык мэриясына жаңы 10 автоунаа белек кылды. Бул тууралуу калаа мэриясы маалымдады.
Автокөлүктөрдү Жалал-Абад облусунун Асылбек Муратбеков аттуу тургуну Жеңишбек Токторбаевге тапшырган.
Ишкер машиналарды Ош шаарында жасалып жаткан жумуштарды көрүп, мэрди колдоо максатында алып келгенин айткан.
Автоунаалар жакында муниципалдык VIP-такси катары каттамга чыгат. Мэрия Ош шаарында муниципалдык такси кызматын ишке киргизүү пландалып жатканын, буга чейин дагы 15 электромобиль алып келингенин белгиледи.