БИШКЕК, 22-авг. — Sputnik. Ош шаарына Россиянын БУУнун Дүйнөлүк азык-түлүк программасы аркылуу тамак-аш жардамынын биринчи партиясы жеткирилди.
Анда түштүк аймактагы аз камсыз болгон үй-бүлөлөргө 1 080 тонна байытылган буудай уну жана өсүмдүк майы таратылат.
Беш миңден ашык үй-бүлө бул азык-түлүктү ирригациялык тармактарды калыбына келтирүү, бак-дарак отургузуу, дарыялардын жээгин бекемдөө, айыл чарбанын алдыңкы ыкмаларын киргизүү боюнча окутууларга катышып алышат.