БИШКЕК, 14-авг. — Sputnik. Монополияга каршы кызмат Бишкек, Ош шаарлары менен облустар үчүн эттин (1 кг) эң жогорку баасын бекитти.
Документке ылайык, борбор калаада уй эти 680 сомдон, ал эми кой эти 670 сомдон кымбат болбошу керек.
11-августтан тарта эттин баасына мамлекеттик жөнгө салуу киргизилген.
Өз кезегинде айыл чарба министри Бакыт Төрөбаев Ветеринария кызматына эттин дүң баасын төмөндөтүүнү тапшырып, мамлекеттик ишканаларга уйдун этин импорттоо милдети коюлган.