Кыргызстан 2015-жылдын12-августунда Евразиялык экономикалык биримдикке расмий мүчө болуп кирген. Бул биримдикке кошулуу өлкөнүн экономикалык өнүгүүсүнө жана техникалык жөндөмдүүлүгүн жогорулатууга шарт түздү. Башында реэкспорттун токтошу, айыл чарба тармагындагы атаандаштык күчөшү сыяктуу кооптонуулар болгон. Бирок ЕАЭБ алкагында Кыргызстан техникалык регламенттерге шайкеш келүүгө жетишип, бир катар колдоолорду алды.
Интеграция өлкөгө жаңы мүмкүнчүлүктөрдү жана рынокторду ачканын, келечекте жаңы технологияларды пайдалануу менен өлкөнүн экономикасынын өсүшүнө салым кошуларын "Күн башат" программасында Муса Рыскулбеков атындагы Кыргыз экономикалык илим-изилдөө университетинин "Экономика" кафедрасынын профессору, экономика илимдеринин доктору, "Кыргызстандын финансисттер жана экономисттер Ассоциациясы" коомдук бирикмесинин мүчөсү Алмаз Кадыралиев кеп кылды.