Мектепке электрондук каттоо системасында кошумча орундар ачылат. Бул тууралуу Агартуу министрлиги маалымдады. Билдирмеге ылайык, ага кабыл алуу 13-августта саат 9.00дөн тарта башталат. Кошумча орундар 8-августка чейин бир да мектепке катталбагандар үчүн каралган. Ата-эне баланын туулгандыгы тууралуу күбөлүгү “Түндүк” тиркемесинин “Санарип документтер” бөлүгүнөн жеткиликтүү болуп жатканын текшериши керектиги эскертилди. Министрлик кошумча орун ачыла турган мектептерди тизмектеди.
Айыл чарба министрлиги жарым жылга уй, кой, эчки жана жылкынын экспортун чектөөнү сунуштады. Максаты — этке болгон баанын туруктуулугун сактоо жана азык-түлүк коопсуздугун камсыз кылуу. “2025-жылдын биринчи жарым жылдыгында республикада 115,4 миң тонна эт өндүрүлгөн, бирок ички керектөөгө салыштырмалуу өндүрүш жетишсиз болуп, камсыз болуу деңгээли 79,7 пайызды түздү. Ошол эле учурда импорттун көлөмү өсүп, экспорт төмөн деңгээлде калган. ”, — деп айтылат маалыматта.
Бишкек мэриясы ишкерлерди коомдук ажатканаларды куруу боюнча долбоорго катышууга чакырат Кызыкдар болгон тараптар долбоордун сүрөттөрү, концепциясы камтылган сунуштарды мэрияга жөнөтсө болот. Мэрия жер тилкелерин ижарага берүүдөн баштап, долбоорлорду мамлекеттик-жеке өнөктөштүк шарттарда ишке ашырууга чейинки кызматташуунун ар кандай түрлөрүн карап чыгууга даяр экенин билдирди. Туруктуу иштейм деген, санитардык коопсуздук сакталган жана архитектуралык шайкештиктер менен салына турган сунуштарга артыкчылык берилет.
Баку менен Еревандын ортосундагы АКШнын көзөмөлүндөгү келишими "Түндүк-Түштүк" коридоруна коркунуч келтирет. Бул тууралуу экономист Василий Колташов Алиев менен Пашиняндын АКШдагы жолугушуусунун жыйынтыгына комментарий берип жатып айтты. Заңгезур коридорун АКШнын башкаруусуна өткөрүп берүү Россиядан Индияга кеткен соода жолуна коркунуч келтирет, бул Иранга да тиешелүү. Эми бул аймакта америкалык таасирдеги өлкөлөр болуп, каалаган убакта кризисти, атүгүл аскердик кризисти да жаратышы мүмкүн Россия мындай окуялардын өрчүшүн узак убакыт бою дипломатиялык жол менен алдын алууга аракет кылган, бирок бул аракеттер натыйжасыз болуп чыкты.
Европа менен Киев Украинадагы согушту жөнгө салуу боюнча алдыда түзүлө турган келишимдин алкагында АКШдан коопсуздук кепилдигин жана өлкөнүн НАТОго мүчө болуу мүмкүнчүлүгүн сактоону талап кылууда. Бул тууралуу New York Times жазды. "Европалыктар кандай гана келишим болбосун ал коопсуздук кепилдиги менен коштолуп, ошол эле учурда АКШ тараптан да коопсуздук кепилдениши зарыл деген пикирди кармануу менен дайымкыдай эле Украинанын позициясын колдошту", — деп жазылат маалыматта. Басылма менен баарлашкан адамдын маалыматтары боюнча, АКШдан европалык союздаштары учурда максатка ылайыктуу келбесе дагы Украинанын НАТОго мүчө болуп кириши үчүн каалганы ачык калтырууну дагы талап кылып жатышат. Гезит бул маселелерди ишембиде Улуу Британиянын тышкы иштер министри Дэвид Лемми Украина жана Европа өкүлдөрү менен болгон жолугушуусунда талкуулаганын белгилеген. Сүйлөшүүгө АКШнын вице-президенти Жей Ди Вэнс да катышкан.