БИШКЕК, 6-авг. — Sputnik. Садыр Жапаров, Шавкат Мирзиёев жана Эмомали Рахмон Лев Толстой атындагы сыйлыкка көрсөтүлдү.
Мындай демилгени Мамдуманын депутаты Леонид Слуцкий көтөргөн. Ал үч лидердин аракетинин аркасы менен Евразия мейкиндигинде коопсуздук камсыздалып жатканын белгилеген.
Сыйлык үчүнчү дүйнөлүк согуштун коркунучуна каршы турууга багытталган ишмердүүлүктөгү жетишкендик, коопсуздукту камсыз кылууга кошкон салым, тынчтыкты сактап, адам укуктарын жана эркиндигин коргоо үчүн талыкпас күрөш үчүн ыйгарылат.