БИШКЕК, 6-авг. — Sputnik. Москвада Улуу Ата Мекендик согуштун борбордук музейинде КМШ өлкөлөрүнүн куралдуу күчтөрүнүн IV Аскердик-спорттук оюндарынын ачылышы болду. Бул тууралуу КР Коргоо министрлигинин маалымат кызматы билдирди.
Иш-чара Улуу Ата Мекендик согуштагы Жеңиштин 80 жылдыгын майрамдоонун алкагында өткөрүлүүдө.
Оюндарга Беларусь, Казакстан, Кыргызстан, Россия, Тажикстан жана Өзбекстан өлкөлөрүнүн спортчу аскер кызматкерлери катышат. Алар мушташ өнөрү, самбо, гиря спорту, офицердик жарыш (тапанча менен атуу, сууда сүзүү, чуркоо) жана штаттык куралдан ок атуу боюнча күч сынашат.
Кыргызстандыктар оюндардын программасынын бардык түрүнө катышат.