"Баңгизат бизнесин АКШ да колдонгон. Болгондо да расмий Америка пайдаланып келген. Алар муну социализмдин жайылышына каршы курал катары карашкан. Экинчи дүйнөлүк согуш аяктаганда дүйнө жүзүндө СССРдин аброю көтөрүлүп, социализм идеологиясын жактагандар көбөйгөн. Американын атайын кызматы мына ушул коммунисттерден чочулап баңгизат бизнесинин тарашына жол ачкан. Анткени Европанын батышында да социалисттик идеялар абдан популярдуу боло баштаган. Франциянын Марсель шаары социалисттик калаага айланып баратканда АКШ менен Франциянын атайын күчтөрү корсикалык мафияга кайрылып, чыгып келе жаткан профсоюздарды талкалатып, баңгизат бизнесин жайылтууга уруксат беришкен. Бул маалыматтар кийин Америка Сенатынын Черча комиссиясында да айтылган. Бул тууралуу бир нече материал, китептер жазылган", — деди Мамытов.