БИШКЕК, 1-авг. — Sputnik. Чым-Коргон айылындагы психиатриялык оорукана оңдоп-түзөөгө муктаж. Бул тууралуу Саламаттык сактоо министрлигинен кабарлашты.
Маалыматка ылайык, министр Эркин Чечейбаев психиатриялык жана наркологиялык жардам көрсөтүүгө адистештирилген мекемелерди кыдырган.
Сапардын алкагында Чым-Коргон айылындагы Республикалык психиатриялык ооруканага капиталдык оңдоп-түзөө иштерин баштоо маселелери талкууланган.
Аталган ооруканадагы 319 бейтаптын 53ү соттун чечими менен мажбурлап дарыланып жатканы айтылды.
Министр бейтапканада капиталдык оңдоп-түзөө иштерин баштоо үчүн кыска мөөнөттө техникалык жана финансылык эсептөөлөрдү жүргүзүүнү тапшырды.