БИШКЕК, 29-июл. — Sputnik. Ысык-Көлдү балык кармаган тордон тазалап жаткан ӨКМдин суучулдары суу түбүнөн баалуу буюмдарды жана сыныктарды алып чыкты. Бул туурасында аталган министрликтен кабарлашты.
Тарыхый табылгалар 15-20 метр тереңдикте жаткан. Алардын канчанчы кылымга таандык экени азырынча белгисиз.
Бул баалуу буюмдар Улуттук тарых музейине өткөрүлмөкчү. Тарыхый табылгаларды суучулдар Көлдүн кайсы жеринен алып чыкканы так айтылган эмес.