БИШКЕК, 29-июл. — Sputnik. Соттолгондор жогорку кызматтарга бара албайт. Тиешелүү мыйзамга президент Садыр Жапаров кол койду.
18-июнда Жогорку Кеңеш кабыл алган мыйзамда соттуулугу жоюлган же алынганына карабастан бул тыюу жайылтылары айтылган.
Соттуулугу барлар төмөнкү кызматтарга талапкер боло албайт:
президенттикке жана Жогорку Кеңешке;
министрлер кабинетине жана мамлекеттик органдарга жетекчи болуп дайындалууга;
Борбордук шайлоо комиссиясына мүчө болууга;
Улуттук банктын жетекчилигине жана Эсеп палатасынын аудитору болууга.
Мындан тышкары, диний ишмерлер бул багыттагы ишмердүүлүгүн токтоткондон кийин беш жыл ичинде президенттике жана ЖК депутаттыгына шайланууга укуксуз экени белгиленген.