БИШКЕК, 29-июл. — Sputnik. Бишкек шаарынын Октябрь райондук сотунун судьясы өзүнүн катчысына карата сексуалдык ыдык көрсөтүүгө шектелип жатат. Бул тууралуу УКМК билдирди.
Маалыматка караганда, К.Ж.С. аттуу судья үстүбүздөгү жылдын май айынан тарта өзүнүн катчысына WhatsApp мессенджери аркылуу билдирүүлөрдү жөнөтүп, сексуалдык мүнөздөгү аракеттерге мажбурлай баштаган.
Октябрь райондук сотунун судьясы сексуалдык ыдык көрсөтүүгө айыпталууда
© Фото / ГКНБ КР
25-июлда башкы прокурор аталган судьяны кылмыш жоопкерчилигине тартуу боюнча Судьялар кеңешине сунуштама жөнөткөн. Териштирүүнүн жыйынтыгында К.Ж.С. аттуу жаранга Кылмыш-жаза кодексинин 156-беренесинде каралган кылмыш белгилери боюнча расмий айып тагылып, ага эч жакка чыкпоо тууралуу жазуу түрүндөгү бөгөт чарасы тандалган.
УКМК айыпталуучунун аракети сот бийлигинин өкүлдөрүнүн кесиптик этикасына жана моралдык нормаларына туура келбей турганын белгиледи.
2025-жылдын май айынан тартып WhatsApp мессенджери аркылуу интимдик мүнөздөгү билдирүүлөрдү жөнөтүп, ар кандай терс сунуштар менен аны сексуалдык мүнөздөгү аракеттерге мажбурлай баштаган.
КР УКМК Бишкек шаарынын Октябрь райондук сотунун судьясы К.Ж.С. тарабынан катчысына карата сексуалдык асылуу фактысын аныктады.
Тактап айтканда, Бишкек шаарынын Октябрь райондук сотунун катчысы тарабынан, сот бийлигинин өзүнчө бир бутагынын өкүлү болуп туруп, кызматтык абалынан кыянаттык менен пайдаланып, сот адилеттигин чынчыл, абийирдүү, калыс ишке ашырууга, ошондой эле "Кыргыз Республикасынын судьясынын Ар-намыс" кодексинин эрежелерин так сактоого ант берип алып – жыныстык кол тийбестикке каршы кылмыш жасоо жолуна түшкөн Кыргыз Республикасынын судьясы К.Ж.С.га карата чара көрүү өтүнүчү менен арыз түшкөн.
Аталган К.Ж.С., өзүнүн иш-аракетинин мыйзамсыздыгын билип туруп, моралдык-этикалык нормаларды бузуп, кызматтык иерархияда түздөн-түз баш ийүүсүнөн улам жабырлануучунун көз карандылыгынан пайдаланып, 2025-жылдын май айынан тартып WhatsApp мессенжери аркылуу интимдик мүнөздөгү билдирүүлөрдү жөнөтүп, ар кандай терс сунуштар менен аны сексуалдык мүнөздөгү аракеттерге мажбурлай баштаган.
2025-жылдын 25-июлунда КР башкы прокурору аталган судьяны кылмыш жоопкерчилигине тартуу боюнча КР Судьялар кеңешине сунуштама жөнөткөн.
Териштирүүнүн жыйынтыгында 2025-жылдын 25-июлунда К.Ж.С. аттуу жаранга КР КЖКнын 156-беренесинде каралган кылмыш белгилери боюнча расмий айып тагылып, ага эч жакка кетпөө тууралуу жазуу түрүндөгү баш коргоо чарасы тандалган.
КР УКМК айыпталуучунун аракети сот бийлигинин өкүлдөрүнө таңууланган кесиптик этикага жана моралдык нормаларга туура келбей турганын белгилейт.