БИШКЕК, 16-июл. — Sputnik. Талас району менен Ак-Талаа районуна жаңы акимдер дайындалды. Бул тууралуу президенттин маалымат кызматынан кабарлашты.
Билдирүүгө караганда, тиешелүү жарлыктарга президент Садыр Жапаров кол койгон. Ага ылайык, Нарын облусунун Ак-Талаа районуна аким болуп Мирлан Камчыбеков барды. Буга чейин Ала-Букадагы Айры-Там айыл өкмөтүн башкарган.
Ал эми Талас районуна аким болуп буга чейин Талас шаарынын мэри, Тоң районунун акими болуп иштеген Байышбек Астанакулов келди.