Асмандан тартылган таасирдүү, кызыктуу, уникалдуу сүрөттөр

Аэросүрөткө тартуу — өз алдынча фотоөнөрдүн түрү катары таанылды. Быйыл атайын конкурс ачылды. Ал The Inaugural International Aerial Photographer of the Year 2025 деп аталды. Сынакка дүйнөнүн ар кайсы бурчунан жалпы 1 549 арыз түшкөн.

1 / 11

Скаттар тобу кол менен тизип койгон сымал бир калыпта, аралыгын бузбаган тейде менхэден балыктарына жакын сүзүп кетип бара жатат. Сүрөт америкалык Жоанна Стейдл айымга таандык. Аймак — Саутгемптондогу жээги (Нью-Йорк штаты).

2 / 11

Фотограф Даниэль Винье Гарсиянын "Түтөгөн баш сөөк" деген сүрөтү. Чындыгында сестенткен көрүнүш экен. Ал Исландиядагы Фаградалсфьялл вулканын тарткан.

3 / 11

Австралиялык Игнасио Паласиостун "Коно де Арита" эмгеги

4 / 11

Кытайдагы (Хучжоу) үч көпүрө. Россиялык Виталий Головатюктун "Көпүрөгө илингендер" деген эмгеги.

5 / 11

Индиялык фотограф Дипанжан Пал Вьетнамдагы чөп жыйноону тарткан. Сүрөт "Килем" деп аталат.

6 / 11

"Көлдөгү фламинго". Сүрөттү кытайлык фотограф Сяохуэя Ли тарткан.

7 / 11

Йёкюльсаурлоун (Түштүк Исландия) муз лагунасында калкып жүргөн "тапчандын" үстүндө ырахаттанып жаткан эки тюлень. Француз фотографы Фабьен Гиттардын "Муздун үстүндө" деп аталган эмгеги.

8 / 11

Фотограф Тэйлор Стоундун "Муз дарагы" деген эмгеги

9 / 11

Таиланддык "Үкү". Көп кабаттуу имараттагы уктабай жүргөн адамдын сүрөтү. Россиялык Виталий Головатюктун сүрөтү, Бангкок шаары.

10 / 11

"Кеч күз". Бул да россиялык Виталий Головатюк тарткан эмгек. Аймак — Москванын чет жакасы.

11 / 11

"Африканын жүрөгү" — фламинголор тобу. Фотограф Дэвид Миеровски тарткан. Канаттуулар Логипи (Кения) көлүнүн үстүнөн учуп бара жатат.

Уюштуруучулар эми жыл сайын бул жанрдагы эң мыкты 101 сүрөттү тандап турууну чечишти. Ошол эле учурда айрым номинациялар боюнча мыктынын мыктылары аныкталып, аларга атайын сыйлыктар тапшырылат. Топ-101 тизмесине кирүү үчүн фотографтын эмгеги кеминде 86,67 упай алышы керек.