БИШКЕК, 11-июл. — Sputnik. Садыр Жапаров Бишкектеги Чыңгыз Айтматов проспектин реконструкциядан кийин көрүп чыкты. Бул тууралуу президенттин маалымат кызматы билдирди.
Жаңыланган бөлүктүн жалпы узундугу — үч чакырым. Көчө ар бири төрт метр болгон алты тилкеге чейин кеңейтилди. Көчөнүн эки тарабына тең тротуар жана веложол курулуп, бак-дарактар жана декоративдик өсүмдүктөр отургузулган. Автоматтык сугаруу системасы менен жабдылып, атайын архитектуралык стилде жарыктандырылды.
Президент шаардыктардын коопсуздугуна, ыңгайлуулугуна жана жашоо сапатынын жогору болушуна багытталган инфраструктураны өнүктүрүү боюнча системалуу иштин маанилүүлүгүн белгиледи.