БИШКЕК, 9-июл. — Sputnik. Акыйкатчы Жамиля Жаманбаева Бишкекке иш сапары менен келген Россиянын адам укуктары боюнча ыйгарым укуктуу өкүлү Татьяна Москалькова менен жолукту.
Москалькова Акыйкатчылардын евразиялык альянсынын алкагында кызматташууну бекемдөөгө багытталган олуттуу иш-чаралар өткөрүлүп жатканын, салттуу баалуулуктарга негизделген платформага кызыгуу бар экенин белгиледи.
Россиянын адам укуктары боюнча комиссары башкы прокурор Максат Асаналиев жана парламенттин вице-спикери Нурланбек Азыгалиев менен да жолуккан.
Сапардын алкагында Кыргызстан менен Россиянын укук коргоо институттарынын ортосундагы 2025-2026-жылдарга кызматташуу боюнча кошумча протоколго кол коюлду.