БИШКЕК, 8-июл. — Sputnik. Шаршембиде нөшөрлүү жаан-чачынга байланыштуу республиканын тоолуу райондорунда суунун деңгээли көтөрүлүп, сел жүрүү коркунучу бар. Бул тууралуу Кыргызгидромет билдирди.
Абанын температурасы Чүй өрөөнүндө 29…34, Таласта 25…30, Ош, Жалал-Абад, Баткен аймактарында 29…34, Ысык-Көл жеринде 20…25, Нарын чөлкөмүндө 21…26 градус болот.
Күндүн табы Бишкекте 31…33, Ош шаарында 31…33 градус ысыйт.