ЕЭК министри ЕАЭБде айыл чарба тармагы санариптештирилип жатканын билдирдиБишкекте өспүрүмдөр жана жаштар арасында күрөш боюнча Азия чемпионаты өтүүдө"Евразиянын жүрөгүнө саякат" эл аралык экспедициясы Кыргызстанга келдиАлдыда кененирээкОрус тили КМШнын бардык өлкөлөрүн бириктирет. Бул тууралуу "Аймактык интеграциянын эл аралык борбору" автономдук коммерциялык эмес уюмунун башкы директорунун орун басары Александр Лукашин билдирди. "Евразиянын жүрөгүнө саякат" эл аралык экспедициясы Кыргызстанга келди, анын курамында 100 адам бар. Катышуучулар Москвадан июнь айынын башында чыгып, 50 күндүн ичинде Россия, Кыргызстан, Казакстан, Өзбекстан жана Тажикстандагы 30 шаарга барууну пландап жатат. Ар бир жерде бизнес-форумдар, илимий сессиялар, маданий жана медиалык иш-чаралар өткөрүлөт. Караколдо алар Борбор Азиядан келген ишкер аялдарды жана жетекчилерди чогулткан "Аялдар диалогу" форумуна катышышты. Анда жеке долбоорлор, анын ичинде электрондук коммерцияны санарип платформаларда илгерилетүү талкууланды. Мындан соң экспедиция Ысык-Көлдүн түштүк жээги менен Бишкекке жөнөдү.Экспедициянын катышуучулары орус тилин жайылтуу алардын кыймылынын зарыл бөлүгү деп эсептешет.
ЕАЭБде айыл чарба тармагын санарипке өткөрүү негизги багыт болууда. Бул тууралуу ЕЭКтин өнөр жай жана агроөнөр жай комплекси боюнча министри Гоар Барсегян билдирди. Анын айтымында, ЕАЭБге мүчө мамлекеттердин айыл чарба тармагы кыйла өзөргөнү турат. "Агрардык рынокту санариптештирүү — өндүрүштү жакшыртуу куралы. Бул багытта ЕЭК менен мүчө мамлекеттер биргелешип иштеп жатышат", — деди Барсегян. Белгилей кетчү жагдай, өткөн аптада Россияда өсүмдүк өстүрүүнү жакшыртуу боюнча иш-чара өтүп, анда айыл чарбада дрондорду колдонуу, санариптик мониторинг жүргүзүү жана роботтоштуруу иштери талкууланган.
Кыргызстандыктар чачка кам көрүү каражаттарын көбүрөөк сатып ала баштады Мындай тыянакты Статкомдун отчетун карап чыгарууга болот. Мисалга алсак, январь-апрель айларында эле товарга 6 млн доллардан ашык каражат жумшалган. Бизге товар жеткирген өлкөлөрдүн ичинен үчүнчү орунду Корея ээлейт. ЕАЭБге мүчө өлкөлөр тизменин сап башына чыккан: Казакстан экинчи, Россия биринчи орунда.
Жол эрежесин 169 жолу бузуп, айып пул төлөбөй жүргөн айдоочу аныкталды. Бул тууралуу Жол кыймылынын коопсуздугун камсыздоо башкы башкармалыгынан билдиришти. Жол инспекторлору "ВАЗ 21074" үлгүсүндөгү унааны токтотуп, текшерген учурда айдоочу жол эрежесин бузгандыгы үчүн "Коопсуз өлкө" боюнча коюлган камераларга түшүп, бирок айып пул төлөбөй жүргөнү аныкталган. Натыйжада унаа айып короо жайына токтотулуп, айдоочуга КР Укук бузуулар кодексинин негизинде протокол түзүлдү.
Бишкек шаарында 5-июлдан 13-июлга чейин 15 жашка чейинки жана 20 жашка чейинки спортчулар арасында күрөш боюнча Азия чемпионаты өтүүдө. Бишкек мэриясынан билдиришкендей, мелдештер "Бишкек Арена" спорттук комплексинде өтүп жатат. Турнирге Азия континентиндеги эң мыкты жаш балбандар катышууда. Чемпионаттын программасында үч олимпиадалык түр бар: грек-рим, эркин жана кыз-келиндер күрөшү. Мелдештер 9 күнгө созулат, ар күнү финалдык беттештер өткөрүлөт. Чемпионат жаштар спортун өнүктүрүүгө чоң салым кошуп, Азия өлкөлөрүнүн ортосунда тажрыйба алмашууга жана күрөш спортунун өсүшүнө түрткү болот.