БИШКЕК, 6-июл. — Sputnik. 1-сентябрдан тарта бардык мугалимдер электрондук журнал пайдаланышат. Бул тууралуу билим берүү министринин орун басары Надира Жусупбекова райондук, шаардык билим берүү бөлүмдөрүнүн башчылары менен өткөргөн онлайн-кеңешмеде билдирген.
Ал мурда мугалимдер толтуруп келген класстык журнал жокко чыгарылганын айтып, 2025-2026-окуу жылында мугалимдер "Күндөлүк" автоматташтырылган маалымат системасы аркылуу электрондук журналды гана толтурушарын белгилеген.
Эске салсак, быйылкы окуу жылынан тарта мектептерде 12 жылдык окуу башталмакчы.