БИШКЕК, 2-июл. — Sputnik. Ош шаарынын Кызыл-Кыштак айыл аймагына караштуу Коммунист айылында Эне-Сай жаңы конушунун курулушуна старт берилди. Мэрия жаңы шаарчанын пайдубалына 1-июль күнү мезгил кутучасы салынганын кабарлады.
Долбоор жалпы 520 үй-бүлөгө ылайыкташкан. Күзгө чейин 320 заманбап турак үй, мектеп, бала бакча, ФАП жана башка социалдык мекемелерди куруу каралган. Шаарча жалпы 54 гектар жерге түптөлөт.
"Бул үйлөр шаардын башкы планына ылайык жолду кеңейтүүдө, каналдардын жээгин ачууда турак жайы түрттүрүлүп башка жакка көчүрүлө турган жарандарга берилет", — деп айтылат маалыматта.
Шаарчаны Кытайдын "Куньлунь" компаниясы курат.