БИШКЕК, 1-июл. — Sputnik. Президент Садыр Жапаров 2-июлда иш сапары менен Москва шаарына бара турганын маалымат кызматы кабарлады.
Билдирүүдө өлкө башчынын Россия президенти Владимир Путин менен жолугары айтылды.
Сүйлөшүүлөрдүн жүрүшүндө тараптар кыргыз-россия кызматташтыгынын актуалдуу маселелерин, анын ичинде соода-экономикалык, маданий-гуманитардык жана инвестициялык чөйрөдөгү маселелерди талкуулашат.