БИШКЕК, 25-июн. — Sputnik. 1-июлдан тарта Өзгөчө кырдаалдар министрлигинин кызматкерлеринин айлыгы жогорулайт. Бул тууралуу Sputnik Кыргызстан агенттигинде өткөн брифингде ӨКМ башчысынын орун басары Урматбек Шамырканов билдирди.
"Президенттин жарлыгына ылайык, 1-июлдан тарта ӨКМдин офицердик курамынын айлыгы 25 пайызга жогорулайт. Ал эми октябрь айында калган кызматкерлердин жана кенже тейлөөчү персоналдын айлыгын көтөрүү пландалууда", — деди ал.
Ошондой эле министрдин орун басары куткаруу бөлүмдөрүндө эле 1000ден ашуун бош орун бар экенин айтып, кадр тартыштыгы курч болуп жатканын кошумчалады.