БИШКЕК, 23-июн. — Sputnik. Кыргызстандын аймагынан көмүрдү ташып чыгууга алты айлык мөөнөткө тыюу салынды.
Тийиштүү токтомго министрлер кабинетинин төрагасы Адылбек Касымалиев 21-июнда кол койгон.
Чектөө ЕАЭБдин бажы классификациясына ылайык, 2701 жана 2702 кодундагы көмүргө тиешелүү. Анткен менен бул эреже "Эркеч-Там" менен "Торугарт" бекеттерине тиешеси жок.
Документке ылайык, тийиштүү мамлекеттик органдарга зарыл чараларды көрүү тапшырмасы берилди.
Документ расмий жарыяланган күндөн тартып 15 күн өткөндөн кийин күчүнө кирет.