"Студенттердин 50-60 пайызы кесипти туура эмес тандап, илең-салаң жүрүшөт. Алар билим ала баштаганда гана туура эмес кесипке туш келгенин сезишет. Кийин ошол адистиги менен иштебей, ар жумушка башын салып кыйналышат. Ошондуктан ата-эне сөзсүз жогорку окуу жайга окушуң керек дегенден алыс болушу керек. Азыркы заманда өзүңө жаккан кесипти тандап, анын аркасы менен көз карандысыз жашап кетүү маанилүү. ЖОЖ болобу, колледж болобу, айырмасы жок, эмгек рыногунда муктаждык бар кесип боюнча билим алуу керек. Бүгүнкү күндө өлкөдө курулуш, тоо-кен, энергетика тармактары жакшы өнүгүп жатат. Монтажник, сварщик, токарь, шыбакчы жана сантехник, электриктер жетишпейт. Буларга Кыргызстанда эле эмес, Казакстан, Россия жана башка өлкөлөрдө да талап жогору", — деди Батырбеков.